الشعر الشعبي الجميل

سالفة أمي.
يمة هاك أخذ الوديعة.ودير بالك لو مشيت.ويمة لف گلبك بضلعي وردّة لويمة أجيت وهلة يا ميّت هلة يوم اللفيت يا هلة بسباح گلبي ويا هلة بشمعت البيت أرد أسولفلك ييمة شصار يوم انته المشيت گمت أشم هدمك ييمة وبالدمع فوگ الهدم كتّيت وصبيت دمعاتي على خدّي ومن كثر صب الدمع يوليدي أنا سلّيت ملّت الناس لبواچيي ونحيبي وآنه أبد يمة ولا ملّيت وتالي لحظة ولن حلم يمة وغفيت ولن هذاك الواگف گبالي شحلاته گال بطلي يمة دمعچ وبطّلت يمة ونسيت وتالي من ذاك الحلم گمت وصحيت ولن أشوف أوليدي يمّي كلّي من يا باب أجيت آني أحلم لو بعد روحي صحيت أنته ابني الواگف گبالي وعلى متوني ربيت ولنّه هذا الصوت لبني گلّي يمّه آنه أجيت آنه عاهدتچ ييمة وذاك عهدي ما نسيت الأم : أدري يوليدي أنته گتلي وصدَّگت يمّة ووفيت بس شگل لگليبي يمة منته بيتي اللي بنيت تهدمت أركان بيتي يمة يوم انته المشيت وهلة يا ميّت هلة يوم الاجيت يا هلة بسباح گلبي ويا هلة بشمعت البيت يبني عندي وياك حسبه حسره يوليدي وچبيره والحمل کلش ثجیل ومل گدر متني يشيله يبني خلاني الوكت من فرگتك عميه وضريره يبني عاباني زماني وصرت لحزاني اسيره يمّه طلگنه الفرح من فارگتنه وصارت الدمعات بعيوني هديره ويبني عود الفرحه تكبر من لفيت هله يا ميّت هله يوم الاجيت يبني يبني أمّنت عندك امانه وارد انشدك يبني چا وين الامانه أمّنت گلبي بضلوعك ويبني من ردّيت حسيت بمهانه شفت ضلعك يبني ملتم والگلب فاگــد حنانه أرد انشدك يا ضلعي وزماني هالوكت چا ليش شو فاگد زمانه وارد انشدك عالسوالف باليه وصارت خيانه وارد انشدك عالامانه يبني چا وين الامانه ویبني عود الفرحهتكبر من لفيت هله يا ميّت هله يوم اللفيت هيّه هيچ العاهدتهه امك حنانك ترجع بثوب الحزن يبني من چويات دهرك دهري ناقـوس ويرن ونشرگ بماي الزلال
لو يمر اسمك بذن يبني سولفلي شجرالك يالكلامك كـلّه فـن سولف وسكتت الدنيه الچانت تصيح وتـون آنه عاهدتچ ييمّه وذاك عهدي ما نسيت وآنه جيتچ معتني لـيچ وحنيت يمّه سالفتي طويله شما اسولف ما وفيت وأختصر كل السوالف وارد اسولف مـــن اجيت يمّه انه اذكر چلمتچ وارد اوفّي بچلمتي ووعدي واجيچ وارد اسولفلچ على الصار وجرالي وارد افك جرحي على اديچ يمّه چم مرّه اعتـنيتچ يمّه بعت الدنيه كلهه ورحي چي ردت اشتريچ يمّه جيت أوفي الامانه وانحني عليچ ارتضیچ يمّه يا مرخص طلبتچ روحي اگطعهه على اديچ يمّه سالفتي ابتديهه بذل وداعچ والدموع السالت بذيچ العيون واذكر حچايات حلگچ ديرتك بالـك تخون وأنتي صبرتي على صبري وگلـتي بس تصبر تهون وآني بين ادموعي طاحت وانتـي شيـبچ عالمتون بين أه وبين حسرهبين لوعه بين صرچات السنون يمّه ليش الله خلقنه اثنين كون الله خلقنه اثنينه بواحد نكون يمّه ما عمري تركتچ شلون اعوفچ انه دون وانتي والحسره على روحچ يمه روح وانته بس ترجع تهون آه ... يا يمه بغيابچ بینه لعبو طوبه والله الشامتون واحنه مثل الصوف نفتر بالمغازل ورحّه تطحنه على هـون وحيل تيهنه دربنه وعلمونه شلون واحدنه يخون والحچي الماصخ كثر بين الشفايف والوفي يسمونه دون علمونه شلون نغلط عالشريف وعلمونه ادروب كل ذيچ المجون وبنه باعو واشترو بسم الوطن وانه ذاكر چلمتچ لا ما اخون وصارت اشکال الدروب علينه يا يمه وفنون والوفي اليوفي لحليبه وانتي يا يمه حليبچ يوفي كون........خضير الرميثي

يسلمو